كبسولة برمجة

كبسولة_برمجه (Web development)

بنسمع كتير عن ال web developers ( مطورين المواقع ) :grin: وقد ايه مطلوبين سواء علي مواقع ال Freelancing او في شركات
وبما انه مجال مفتوح ومش مرتبط بتخصص او كلية معينة بجانب انه مش محتاج غير كمبيوتر ونت ودماغ “الحمد لله التلاتة متوفرين :grin:
في ناس كتير بتفكر تبدأ تتعلم ومش بتكون فاهمه او عارفه الدنيا هتبقا ماشيه معاه ازاي والبوست دا هوضح فيه عن اللغات اللي المفروض تتعلمها وتحترفها بحيث انك تشتغل سواء ك freelancer (ودا واحد شغال من البيت) او في شركه


في الاول كدا فيه

  1. ناس كتير بتكون فاكره اانها هتتعلم لغة برمجه وهيعمل موقع وفي الاخر بيلاقي الدنيا مش وردي زي ما كان متصور فبيحس بالاحباط ومش بيكمل
  2. وفيه ناس كتير بتتعلم وتتعب علي نفسها وبتلاقي مردود كويس ف نصيحه اخويه اشتغل علي نفسك علي اد ما تقدر ومتيأسش

يعني ايه web development ؟

الـ web development
مقسوم لحاجتين بيكملوا بعض Front end و Back end

ال front end دا شخص كل اللي عليه تصميم الوجهه الاماميه للموقع سواء من الوان او خطوط او طرق عرض معلومه ما في الموقع وهكذا
زي موقع الفيس بوك دا شايف انت الشكل الامامي دا هو دا اللي front end بيعمله طب ايه هي اللغات اللي بيدرسها ؟

المطلوب من front end انه يتعلم ال Skills

1) الـ HTML / HTML 5

ودي اساس الموقع في الاول بتتعلم HTML وبعدين بتتعلم الاصدار الجديد بتاعها HTML 5 ومتقلقش الموضع فيها سهل ومش هياخد منك مجهود

2) الـ CSS / CSS3

تاني حاجه المهارة دي والغرض منها انها تدي جمال للموقع من الاخر شبه ‘mekup’ وبردو الموضوع فيها سهل وممتع وبتتعلم بعدها الاصدار الجديد css3

بعد ما تتعلم html , css بتبدا تدرب نفسك و تحول تصاميم ناس تانيه عملتها وهنا هقدر اقولك انت عملت تصميم للموقع بس ناقصه شوية حاجات

3) الـ JavaScript

عايز بقى تحط زراير في موقعك تقوم بمهمة معينة لما يضغط عليها يعني بتعمل حاجة بيتفاعل معاها المستخدم
ودي اول لغة برمجه هتقابلها ولو انا فضلت اكلمك عن جمال اللغه دي هتحسني ببالغ بس فيه بوست عن احترافها من الصفر للاحتراف
عن قريب .

4) الـ jQuery

دي مش لغة دي library (مكتبه مبنيه علي لغة JavaScript)
وتقدر تعمل بيها نفس وظيفة ال javascript بس انصحك تحترف اللغه افضل من انك تستخدم اي حاجه تسهل عليك

5) الـ Bootstrap

انت بعد ما اتعلمت ال html / css / javascript /jQuery انت عملت التصميم بس بيشتغل معاك علي شاشه واحد بس وهي شاشه الكمبيوتر او اللاب توب بتاعك وهنا بقا وظيفة نقدر تعمل تصميم متجاوب يعني يقدر تفتحه علي اي شاشه
البوتستراب ماهو الا framework بيسهل عليك انك تعمل موقع متجاوب مع كل الشاشات سواء كانت شاشه كبيره او شاشه الموبايل

6) الـ Vuejs or Reactjs or Angular

انت هنا بقا تقدر تتعلم حاجه واحده من التلاته دول
وفيه بوست عن قريب


انت لحد دلوقت تمام وتقدر تشتغل ك front end وانت مطمن بس ناقص شوية حاجات هيفرقوا معاك بس بردو اقدر اقولك انك اتعلمت مسار الفرونت اند
الحاجات اللي ناقصاك دي

  1. هتسهل عليك في الشغل لو انت بتشتغل في مشاريع كبيره sass
  2. اتعلم pugjs وازاي تستخدم javascript داخل ال HTML لتوفير الوقت والإستفادة الكبيرة
  3. اتعلم Gulpjs وازاي تعمل مهام بدون تدخل منك وبشكل بسيط
  4. اتعلم json and ajax

// نصيحه متاخدش الدنيا انها كتير وكدا انا لحد vue او لما ذكرت رقم 6 قولتلك انك دلوقت تقدر تشتغل يعني الحاجات الناقصاك دي هتساعك لتحسين وتسهيل عليك وقت الشغل

طب لازم اتعلم كل دا قبل ما اشتغل ؟

بكل تأكيد لا يا صديقي انت تقدر تتعلم وانت شغال عادي


الـ Back End

الجزء المسئول لربط مجموعة صفحات و قاعدة البيانات

وممكن نقول عليه هو الجزء الذي يتم تنفيذه وقرائته من خلال ال Server ويهتم بالتحقق من استقبال البيانات وارسالها بشكل صحيح من والى المتصفح…وبكل تأكيد الجزء دا من الشيفرة البرمجية لا يكون ظاهرا على المتصفح وإنما تظهر نتائجه

المطلوب من Back end انه يتعلم ال Skills دي:

اهم ال Skills المطلوبة هي قدرتك على الربط بين قواعد البيانات والتطبيقات والتعامل معها ضمن ال Server…ويعني أنه يلزمني تعلم لغة تهتم وتتعامل مع السيرفر
مسار الباك اند متعدد يعني فيه كذا مسار بس انا هحطهم تحت بعض من غير اي ارقام علشان محدش يفكر ان برتبهم من حيث سوق العمل
هتتعلم php او Asp.net core او rails او django

  • هتتعلم حاجه واحده من دول سواء php وتشتغل php pure او laravel
  • لو هتتعلم asp.net core يبقا تتعلم الاول اساسيات c sharp
  • لو هتتعلم rails يبقا لازم تتعلم اساسيات ruby
  • لو هتتعلم nodejs يبقا لازم تتعلم وتفهم javascript كويس و بيتعامل مع monogo DB
  • لو هتتعلم django يبقا لازم تتعلم اساسيات python
    بالاضافه انك هتتعلم قواعد بيانات وهتتعامل مع حاجه زي MySql او oracle او sql server

// متبصش ان back end متكلمتش عليه كتير انه سهل بالعكس انا عارف ان مدتلهوش حقه في الشرح و اتكلمت عن كل حاجه ب الاسم لان لو اتكلمت عن مثلا لغة زي php او c sharp ف الموضوع هيكبر مننا
اتمني التوفيق واسف جدا جدا جدا علي الاطاله حبيت اتكلم شويا عن كل حاجه ومحبتش ان يكون ارص لغات تحت بعض والسلام

#Coretabs
@antarsidgi

10 Likes

مقال قيم :ok_hand: وفية المختصر المفيد، شكراً لمشاركته معنا @antarsidgi

أريد الإضافة على هذه النقطة:

لو هتتعلم nodejs يبقا لازم تتعلم وتفهم javascript كويس و بيتعامل مع monogo DB

لو هتتعلم nodejs إمشي مع فريمورك Express

4 Likes

كلامك جميل جدا شكرا للمعلومة وأتمنى الكل بستفيد منها مثل ما استفدت انا :slight_smile:

2 Likes

مقالة رائعة يا عنتر :ok_hand:

وكما أنت ذكرت مجالات frontend و backend كل واحد منهم قائم بحد ذاته وبحر لحاله

1 Like

بحر واحنا مستعدين نغوص فيه لحد ما نبقى سمك :joy:
اهم شئ وقفتكم معنا

2 Likes

موضع رائع :heart:

1 Like